العطور وتأثيرها على الثقة والجاذبية

العطر مو مجرد ريحة حلوة, العطر لغة غير منطوقة, لغة بدون حروف تعبر عن حضورنا وعن جاذبيتنا وعن مزاجنا وعن نظرة الناس النا, رشة عطر قادرة انو تغير مزاجنا وترفع ثقتنا بنفسنا بدون اي كلام.

اكيد تريدون تعرفون شلون العطر يسوي هذا كله ؟

من نخلي عطر نحبه راح يصير مثل العلاج النفسي ليش؟

من ترش عطر تحبه راح ترتاح , تكدر تتحرك بثقة اكثر , لاارادياً  من تشم عطرك اللي انت تحبه راح تبتسم وهالشي راح يأثر على مزاجك ويغير نفسيتك وبالتالي يرفع ثقتك بنفسك , بس شنو السبب؟

السبب لـأن الروائح ترتبط مباشرة بالدماغ العاطفي "الجزء الحوفي" وهذا الجزء من الدماغ هو المسؤول عن المشاعر والذكريات وهالشي راح يزيد ثقتك بداخلك وبالتالي تنعكس على ثقتك بروحك كدام الناس .

السبب الثاني العطر اللي انت تحبه راح يخلق هالة عطرية حواليك وراح يضيف لحضورك بالمكان, اذا جان عطرك دافي راح تشع طاقة دفو بالمكان وحضورك ينطي امان , اذا جان عطرج زهري خفيف راح تعكسين انوثة ناعمة بحضورج ,اما  اذا جان عطرك/ج قوي شرقي فـ راح تعكس/تعكسين شخصية قوية وغامضة وينطي حضور جرئ بالمكان وبالنهاية لازم الشخص يختار العطر اللي يعبر عنه وعن شخصيته لأن هالشي راح ينعكس بالمكان اللي يفوتله , عطرك هو هويتك اللي تعبر عنك.