شلون تثبت العطر بجو العراق الحار؟

شلون تثبت العطر بجو العراق الحار؟

بجو مثل العراق المشكلة مو بس بأختيار العطر، المشكلة الحقيقية هي شلون راح تستخدمه؟

هواية ناس تشتري عطور من براندات قوية وتتوقع ثبات عالي وبالنهاية يختفي العطر بسرعة والسبب ان الحرارة العالية تسرع من تبخر العطر واي خطأ بالاستخدام يقلل من تأثيره.

ليش العطر يختفي أسرع بالحر؟

العطر عباره عن جزيئات متطايرة، كل ما ارتفعت الحرارة التبخر يصير أسرع، النوتات الخفيفة تختفي خلال دقائق والفوحان يتحول الى رائحة قريبة من الجسم.

الطريقة الصحيحة لتثبيت العطر

اولاً: ترطيب البشرة

البشرة الجافة تمتص العطر وتفقده بسرعة والحل ان تستخدم مرطب بدون رائحة، او طبقة خفيفة جداً من الفازلين على نقاط النبض قبل رش العطر، هاي الطريقة تساعد على حبس العطر لفترة أطول.

ثانياً: لا تعتمد على الجلد فقط

رش العطر على الجلد بس بالجو الحار يعني العطر طار خلال دقائق الافضل رش العطر على الملابس والجلد.

ثالثاً: اختار العطر المناسب للجو

مو كل عطر مصمم للحر، العطور اللي تفشل غالباً هي الحمضيات الخفيفة جداً والروائح المنعشة الضعيفة، العطور اللي تتحمل الحر هي العطور اللي تحتوي على خشب، مسك وعنبر هاي النوتات مو ثقيلة كلش ومقاومة للحرارة.

رابعاً: اختيار اماكن الرش بذكاء

اغلب الناس ترش على الرقبة وهذا خطأ، الاماكن الافضل خلف الاذن، خلف الرقبة، داخل المرفق، على الملابس، بهالاماكن وزعنا العطر أفضل واخرنا من تبخره.

خامساً: لا تفرك العطر

فرك المعصمين بعد رش العطر من أكثر الاخطاء انتشاراً لأن تكسر النوتات وتقلل عمر العطر.

سادساً: عيد رش العطر بعد 4-5 ساعات

سابعاً: خزن العطر بطريقة صحيحة

إذا تخزَن العطر بحرارة او ضوء، تركيبته تتأثر واداءه يضعف، الافضل يتخزن بمكان بارد وبعيد عن الشمس.

ثامناً: وهاي النقطة هي الافضل والاهم، استخدم تقنية ال

Layering 

استخدم شاور جل بنفس النوتات، مرطب مشابه للعطر، وبعدها رش العطر، بهالطريقة راح نبني طبقات عطرية صعب انو تتبخر بسرعة. 

بجو الصيف العطر ما راح يشتغل بنفس اداء الشتاء وهذا الشي طبيعي، اذا العطر يثبت عندك من (5-7)  ساعات يعتبر اداء ممتاز جداً.