عمر العطر الحقيقي

العطور الها اعمار مختلفة , اكو عطور تنتهي نكهتها بعد فترة قصيرة واكو تدوم وياك سنين , بس شلون نعرف عمر العطر ؟

كل علبة عطر يجي عليها تاريخ انتهاء ... سنة ,سنتين , اكثر (24) (12) وهالعمر يتحدد مو من تاريخ الصنع , العمر يتحدد من تاريخ اول رشة من نفتح العطر ويدخله هوه , من اول رشة يبدي التخزين الصحيح .

العطور المنعشة (الحمضيات والعطور المائية والعشبية) اقل العطور عمراً لأن مكوناتها حساسة وتتلف وتضعف بسرعة

 (من1 _الى 3) سنوات  .

العطور الزهرية  عمرها متوسط  تعيش من (3_5) سنوات .

والاطول عمراً هي العطور الشرقية تعيش من (5_10) سنوات وبعض الانواع كلما تتعتق تصير اطيب  بمرور الزمن .

الشمس , الرطوبة , الحرارة العالية , رج العطر كل هاي عوامل تفسد العطر وتقصر عمره .

شلون اعرف عطري خرب وخلص عمره ؟

تتغير ريحته عن المعتاد , يتغير لون العطر , تضهر حدية برائحته , هنا اعرف انو عمر العطر بده يخلص .

مثل مااحنا نكبر ونحتاج عناية بروحنا , العطر هم يكبر ويحتاج عناية وتخزين صحيح حتى يعيش عدنا عمر اطول ونستمتع بي لحد اخر قطرة .. مثل متعة اول رشة .